Azaroak 25, emakumeen aurkako indarkeria ezabatzeko nazioarteko eguna dela eta, umeen giza eskubideak landu ditugu eskolan: 

1. Bizitzarako eta garapenerako eskubidea: Ume orok du bizirik egoteko, osasuntsu hazteko eta bere ahalmenak garatzeko eskubidea.

2. Berdintasunerako eskubidea: Ez da diskriminaziorik egon behar: ez arraza, generoa, hizkuntza, erlijioa, jatorria edo bestelako arrazoiengatik.

3. Familiaren babeserako eskubidea: Umeak familia-ingurune egoki batean hazteko eskubidea du; ezin bada, babes-sistemak bermatu behar du.

4. Osasun-arretarako eskubidea: Mediku-arreta eta osasun-zerbitzu egokiak jasotzeko eskubidea.

5. Hezkuntzarako eskubidea: Oinarrizko hezkuntza doakoa eta derrigorrezkoa da; umeek kalitatezko hezkuntza jasotzeko eskubidea dute.

6. Indarkeriatik eta tratu txarretatik babesteko eskubidea: Umeak babestu behar dira tratu txar fisiko, psikologiko, sexu-abusu, esplotazio edo abandonutik.

7. Iritzia emateko eta entzuteko eskubidea: Umeek beren iritzia libreki adierazi dezakete eta haien adina kontuan hartuta entzuna izateko eskubidea dute.

8. Jolas eta aisialdirako eskubidea: Umeek jolasteko, atseden hartzeko eta kultura-jardueretan parte hartzeko eskubidea dute.

9. Informaziorako eskubidea: Adinera egokitutako informazioa jasotzeko eskubidea dute, baita adierazpen-askatasuna ere.

10. Pribatutasunerako eskubidea: Umeen intimitatea eta datu pertsonalak babestuak egon behar dira.

Guzti hauekin zuhaitz eder bat osatu dugu.

                                                     

                       Eskolako txikienek, aldiz, tratu onen inguruan aritu dira. 

 LIBURUEN ALTXORRA

Kaixo lagunak!

Astelehen honetan liburuen altxorraren kutxa jaso dugu gure eskolan. 

Kutxa honetan adin guztietarako ipuinak dauzkagu eta astelehenean Imanolek talde bakoitzari batzuk erakutsi zizkigun. 

Begira zein ondo egon ginen! 

Hemendik aurrera geletan ikusiko ditugu ipuin eta liburu gehiago!

CRISTINA ENEA

 OSTEGUNEAN CRISTINA ENEA PARKERA JOAN GINEN 4 -5 URTEKO ETA LEHENENGO MAILAKOAK. 

HH 4-5 URTEKO IKASLEEK "UDAZKEN KOLORETAN" IZENEKO TAILERRA BURUTU ZUTEN, OIHANA BASOZAINARI LAGUNDU ZIOTEN:

LEHENENGO MAILAKOAK "ETA ZU NONGOA ZARA?" IZENEKO TAILERRAZ GOZATZEKO AUKERA IZAN ZUTEN ETA BITXIKERIA UGARI IKASI ZITUZTEN:

ONDOREN EGURALDI BIKAINAK LAGUNDURIK, GUZTIOK ELKARREKIN BAZKALDU ETA PARKEAN JOLASEAN IBILI GINEN. 

 LH TABAKALERARA

 Tabakalerara bi arte erakusketa ikustera joan gara.

Batean marrazki erraldoiak eta Euskal Herriko sendabelar toxikoak zeuden.

Bestean ukimenarekin lotutako argazki eta bideoak  ikusi ditugu. Maider López artista donostiarrak munduko toki ezberdinetan egindakoak dira.

GAU BELTZA

         OROIMEN TXOKOA  -  GAU BELTZA

"Heriotza beldur izan behar ez dugun zerbait da, gauden bitartean heriotza ez baita, eta heriotza denean, ez gara" (Antonio Machado)

BELDURRA PIZTU!!!    BELDURRA ERRE!!!

KOSTA CAMP 2025

LHkoak ostegunetik ostiralera Kosta Camp-era joan ginen lotara. Logelak oso politak eta erosoak ziren. Gainera, 6. mailakoak gure gela propioa geneukan.  Hiru litera zeuden eta nik behean egin nuen lo. 

Ekintzak oso ondo zeuden. Ostegun arratsaldean 14:00tan altxorraren bilara jolastu genuen. Ostiral goizean natura ibilaldia eduki genuen eta gero orri-markatzaile batzuk egin genituen, beste gauza batzuen artean.

Janaria oso goxoa zegoen: gosaria, bazkaria, merienda eta baita afaria ere.

Monitoreak oso jatorrak ziren. Beraiekin hitz egiten egon ginen eta oso ondo pasa genuen beraiekin.

Lekua oso polita eta handia zen. Oso bista onak zituen.

Orokorrean oso ondo pasa nuen!

Izar Artano (LH6)

Darwin eta Wallace: Hautespen naturala

Hemen duzue 4. eta 6. mailako ikasleek egindako aurkezpenak. 

Besteen aurrean hitz egitea ez da erraza. Nerbioak eta beldurrak gaindituz, denek lan bikaina egin zuten.

Laster izango dugu lehen aldizkaria prest. Espero dugu zuen gustokoa izatea!