BIDAIARIK LUZEENA: PELIKULA

 

IZAN ZIRELAKO GARA, GARELAKO IZANGO DIRA 

2. eta 3. mailakoek  erakusketa bat prestatu dugu Historia ikasteko modu bat izan da. Paleolitoa, Neolitoa, Aintzinaroa eta Erdi Aroa landu ditugu.  Egiptoko piramideek, Greziako partenoiak eta Erromako koliseoak, eraikin handi horiek, arreta deitu ziguten. 

Guri asko gustatu zaigu erakusketa prestatzea!

Eskerrik asko gure erakusketara etortzeagatik!

ERAKUSKETA: BIDAIARIK LUZEENA

 

Eskerrik asko gure erakusketa ikustera hurbildu zineten guztioi. Zuen presentzia, interesa eta hitzak oso garrantzitsuak izan dira ikasleentzat. Ahalegin eta gogo guztia jarri dute proiektu honetan.

Erakusketa hau historia ikasteko modu bat izateaz gain, elkarrekin partekatu, sortu eta gozatzeko modu bat ere izan da. 

Eskerrik asko bidaia luze eta polit honetan laguntzeagatik!

 

4. eta 6. mailako ikasleak

 HAMAIKETAKOA

Kaixo denoi!

Haur hezkuntzako ikasleak Bretxako merkatuan erositako gauzekin; urdaiazpiko egosia, gazta, sagarrak, aguakateak, tomateak... Hamaiketako bat egitea pentsatu genuen, baina konturatu ginen horrekin ez zela nahikoa, beraz, goizean goiz IKOra gerturatu eta falta zitzaizkigun osagaiak erosi genituen. Hala nola Igeldoko esnea eta ogia.

Ondoren erositakoa txukun txukun prestatu eta... 

Sekulako hamaiketako jan genuen denak batera bertako produktuekin. 

BRETXAKO MERKATURA BISITA

Otsaileko azken asteko eguraldi ona aprobetxatuz eta gure proiektuarekin jarraituz, haur hezkuntzako ikasle guztiak Bretxako merkatura joan ginen. 

Hau Igeldoko harriarekin egina zegoela ikusi ondoren bertako zenbait postuetatik pasa ginen. Urdaitegia, arraindegiak, barazki eta fruta postuak.. 

 

Hauek ikusi ondoren bertan erosketa txiki bat egin genuen.

  

Bukatzean autobus geltokira bueltatu eta zai egon ginen hau etorri arte eskolara joateko. 

                                       

Primerako goiza pasa genuen!!

MARTXOAK 8

 

Aurreko astean zehar MARTXOAK 8ren inguruko lanketa egin genuen eskolan. 

Alde batetik, LHko ikasleek plastika arloan Emakume artisten lanak egin zituzten eta 4. eta 6. mailako ikasleek ere, musika arloan, Euskal emakume artisten biografiak. Lan guztiak aretoan ikusteko aukera izan genituen. 

Bestetik, eskola guztiak, geletan, Martxoak 8-rekin erlazionatutako hitzak atera genituen. 

Hitz hauek, herriko kale bateko muralean jartzeko erabili dira. 

  

Eskola guztiak ere, MIRESTEN DUGUN EMAKUMEAren argazkia ekarri eta mural handi batean

itsatsi genituen. Oso polita gelditu da!

  Bukatzeko, "Figuras ocultas" pelikula ikusi genuen. Ez baduzue ikusi animatu oso gomendagarria bait da!!!

 

IGELDOKO ESNERA BISITA

Aurreko astearteko eguraldi ona aprobetxatuz, haur hezkuntzako ikasleak Ondazarte baserrira joan ginen eskolatik oinez Igeldoko esnea nola egiten den ikustera. 

Bertan bi behi nola jeisten zituzten ikusi genuen. Barbado eta Arlasta. Barbadori 18 litro atera zizkioten makinarekin.

Ikuiluan bertan ere behi gazteagoak eta jaiotako txahalak ikusi genituen.

Ondoren esnetegira joan eta bertan esnea atera eta gero jarraitzen zuen prozesua ikasi genuen. Zenbat makina erabiltzen dituzten!

Esnea kutxetan dagoenean hozkailuan gordetzen dute eta saltzeko prest dago. 

Bisita bukatzean gu ere esne goxo hau dastatzeko aukera izan genuen, bizkotxo goxo batekin batera.

Primerako goiza pasa genuen!! Mila esker Eneritz eta Larraitz!